Traven Listapad

Будаваць – не тое самае, што руйнаваць. Пакрысе вярну радкі сюды, дзе ім самае мейсца. Храналогія, вядома, парушана. І ўжо нельга прасачыць эвалюцыю хваляў. Але ж тое, мо, было б цікава чытачу. Мы ж з табою ведаем, як і калі разгортваліся падзеі. Так, летапіс незваротна страціў утульнасць. Прабач…

Нязвыкла пра цябе пісаць у прошлым часе,
Але жыццё ідзе і дні бязлітасна лятуць,
Абставіны.. Яны не-па-ду-лад-ны…
І вось ужо іншыя пад руку па табе ідуць.

Ты-сведка майго шчасця і кахання,
Маіх надзеяў, радасці, цяпла.
Падаравала любага ты мне й жаданне,
Той першы дотык, што і сёння помню я.

Ты-наш маўклівы суразмоўца.
Ты разумела ўсё, папрокаў не было.
Прымала кожны раз, давала моцы
І адпускала нас у звыклае жыццё.

Што ж, дзякуй, любае ўзбярэжжа,
За ўсё, што на табе было.
За тваю шчодрасць, што бязмежна,
І за тваё ахоўнае крыло.

Мая пяшчота застаецца на заўсёды
З табою, з ІМ… І з хвалямі ўдалечыні.
Няхай цябе мінуць усе нягоды!
Я ж забяру з сабою ўспамінаў дым.

Ні на кані, ні пешшу,

Ні разам, ні асобна.

Адное толькі цешыць:

Усё гэта – верагодна.

Ні голы, ні апрануты,

Ні раптам, ні па пляне.

Адное толькі вабіць:

Усё гэта – рэальна.

Ні побач, ні далёка,

Ні сябра, ні каханак.

Адное забаўляе:

Усё гэта – не банальна 😈

Шмат што можа вымусіць чалавечую істоту адчуць вось гэта самае трымценне : музыка, што кранае струны душы, голас спевака, адценні колераў. Але адно дае асалоду цалкам і не па частках – гэта другі чалавек. І не дзеяннямі сваімі. А толькі тым, што гэты чалавек ЁСЦЬ. Наўпрост ЁСЦЬ.

зрабіць САБЕ з ЦЯБЕ німа на мэце?
пабачыць у ТАБЕ СЯБЕ хачу?
і ні пытай МЯНЕ ТЫ зараз ні ў якім сэнсе!
ТЫ ж ведаеш МЯНЕ, папросту прамаўчу!

Яна Ніхто, а ён НіЯкей,

Хто вы і колькі вас?

Пара Нііх, не скажаш лепей!

Ператварыў у выгнанцаў лёс!

Нікімсці быць німа таго гаротней!

Рапухай па над усім узлез,

Каб дзень пражыўшы, вымавіць гучней

(Да багны роднае, да навакольных лоз!)

Да багны роднае, да навакольнае балота!

Эмілі Дыкенсан (1830-1886)

Эмілі Дыкенсан (1830-1886)

Жыццё нібыта галаўны боль.

адны ўзгадваюць –

раней было лепей,

другія чакаюць –

пакуль усё скончыцца,

толькі адзінкі прымаюць ЯГО –

як ёсць.

Платоў каваных кайданы – умоўнасцяў вязніцы

                            Усепранікальных гукаў хвалі – прадчуванняў адгалоскі

Веж бутаваныя муры – страхаў люстраванні

                            Бязмежнага блакіту свет – летуценняў цікавосткі

Слупоў жалезных парканы – абмежаванняў забароны

                            Бурклівы навальніцы гук – жывога сэрца стук

Дамоў цагляныя збудовы – уяўлення абцугі

                            Бязважкі павуціння рух – лагодны дотык рук

Дарог цэмэнтных берагі – трызненняў рэкі

                            Празрыстага паветра моц – палёту думак вышыня

Стрэх бляшанЫя парасоны – мар аблогі

                            Пяшчотных промняў шэпт – кахання цішыня.

Jak cjažka być, Lohka znikać, Miž dumak moc, Ciemra j sjačo.

Imknenne sierca, Dychanne dušy, Žyccio – iskra, Boĺ – pa-uśim.

Śvietlyja mary, Cień nadziei, Kachanenne cišyni, Smeh zdaliohk.

Daroga važkaja, Lohki krok, Jak być cjažka, Nie bacić miežau.

Paet u kožnym z nas, ci nie tak?

***

Як цяжка быць, Лёгка знікаць, Між думак моц, Цемра й святло.

Імкненьне сэрца, Дыханне душы, Жыццё – іскра, Боль – па-ўсім.

Светлыя мары, Цень надзеі, Каханне цішыні, Смех здалёк.

Дарога важкая, Лёгкі крок, Як быць цяжка, Не бачыць межаў.

Паэт у кожным з нас, ці не так?

***

Мілан Кундэра ці гулі с ШІ.

Веру на сумленне,

Прадчуванні на “таро”,

Упэўненнасць на згоду,

Каханне на любоў,

Прадбачлівасць на страх,

Шчасце на камфорт,

Смерць на ўтульнасць,

Свабоду на стабільнасць,

Агонь на ацяпленне,

Ваду на вадкасць,

Вецер на паветра,

Уздых на выдых,

Сон на адпачынак,

Мары на надзеі,

Мроі на трызненні,

Сны на летуценні,

Жыццё на быт,

Золата на грошы,

Хату на жытло,

Магчымасці на акалічнасць,

Поспех на “удачу”,

Надзеі на планаванне,

Небасхіл на неба,

Зоры на планеты,

Галактыкі на космас,

Верш на рыфму,

Волю на жаданні,

Вёску на “дзярэўню”,

Мястэчкі на гарады,

Грады на агарод,

Стравы на яду,

Дождж на ападкі,

Страху на дах,

Кроквы на “стропіла”,

Продкаў на даўнейшых,

Бацькоў на састарэлых,

Малеч на дзетак,

Глебу на зямлю,

Краіну на “клачок”,

Сцяг на сімвал,

Вершніка на герб,

Менск на Мінск,

Зносіны на суіснаванне,

Давер на небяспечнасць,

Сена на сенаж,

Аржонне на салому

Сенакос на бензаапакаліпсіс,

Гумно на склад,

Дзядзінец на наваколле,

Склеп на пограб,

Збожжа на зярно,

Працу на работу,

Талаку на дапамогу,

Надворак на надзел,

Магчымасці на “фарт”,

Вопратку на моду,

Ужытковасць на маркетынг,

Смех на рогат,

Літары на знакі,

Кнігі на чытво,

Падарожжы на вандроўкі,

Вайну на СВА,

Сяброўства на знаёмствы,

Палюбоўніц на “блядзей”,

Нататнік на блакнот,

Асадку на клавіятуру,

Ноч на цемру,

Дзень на прастакутнік календара,

Гадзіннік на бранзалет,

Розум на iQ,

Веды на іспыты,

Прыгажосць на зграбнасць.